Kay Comisión de Soberanía Alimentaria chay, Acuicultura y Pesca kamachiyta allichishpa katin, Mamallakta pushak churashkami kan, kay kamachiyta llaktakunawan rimanakuyta charinka, uchilla tantari ashtawan shuktak kamachiykunapi rikushpa allichishpa katin.
Llaktakunaman riksichin
Llaktakunawan rimanakuy ukupi allichishpa, killkashpa katin, kay killa 18, 19 punchakuna llaktakunawan rimanakuyta charinka, chalwakkuna, apankurata, churuta katukkuna, shuk runakunapash paykunapak yuyayta churanka, shinami alli kamachiy killkarinka. Shinami yunka llaktamanta kamachiy killkakkuna Manabí markapak: Manta, Puerto López, Jaramijó, Jipijapa kitikunamanta chalwakkunata, yakupi llankakkuna chaskinka.
Ushaykuna
Shinallatak shamuk hunkapi Ministerios de Agricultura kamachikta, Produccion kamachikta, Ambiente kamachikta, Servicio Nacional de Aduana del Ecuador kamachikta chaskinka, shuktak yakupi llankak runakunata, Mamallaktapi chalwak runakunata chaskinka, paykuna Acuicultura y Pesca kamachiy kallari atinakuyta charichun mushuk yuyaykunata churanka.
Minkashka llankana punchakunata churashkawan, kay Kamachiyta kallari atinakuyta charinka, kay killa 31 punchapak ña allichishka kanka, chayta Mamallakta Tantanakuy atinakushpa arininka, ashtawan allichichun minkashkaman kachanka.
EG/cz/jc-kichwa
