Kay Comisión de Soberanía y Relaciones Internacionales tantari kay Acuerdo de Escazú yuyariman yachakkuna yuyayta chayachinka.
Chaypak América Latina llaktamanta, El Caribe llaktamanta yaykurinkapa hayñikunata yachachinka.
Shinallatak runakuna chaypi kachun, pachamama paktakayta charichun yanapanka, shina kay kamachiyka llaktakunaman achka yachayta chayachinka.
Kay Convenio killkata, Ecuador llaktapash 2018 watapi killkarka, runakuna, tantarikuna, llaktakuna, kitikuna pachamamapak hayñita purichichun, kamachun arinirka. Shinallatak taripankapa, shuyachinkapa, wanachinkapa rikunka. Runa hayñipak llankakkuna kamashka kachun shuyanka, pachamamapak hayñita llakichikkunata, manchachikkunata wanachinka.
Pachamamapak hayñi willayta riksik Mamallaktakuna willayta alli chaskichun shuyanka, shinallatak tantarishka runakuna, wakcha runakuna, runallaktakuna, runakaykunata charikkuna pachamamapak willayaman yaykurinka.
Rikurikuna
Kamachiy killkak, Fernando Flores, Comisión tantarita pushak, chay Singrid Vásconez, Ministerio de Relaciones Exteriores, Daniel Barragán kamachikta, Centro Internacional de Investigación sobre Ambiente y Territorio kamachikta chaskinka, paykunaka kamachiy alli killkarichun mushuk yuyaykunata churanaka, kipaman Mamallakta Tantanakuy atinakunka.
Yachay
Yallik punchakuna Mamallakta Tantanakuy “El Acuerdo de Escazú y la importancia de reforzar los mecanismos de Gobernanza ambiental en el Ecuador” yachayta rurankapa runakunata kayarka, chaypi Daniel Barragán kamachik imashina Mamallakta tukuypak tiyashkakunata pushanamanta rimarka, pachamamata llakichishpa kamachiyta pakikkunata huchachinka, pachamamapak hayñita paktachina nirka.
SV/ea/jc-kichwa
