Kaya puncha 14h30 sayllata tantarinkapa kamachiy killkakkuna kayashka kan, kay Seguridad Social kamachiyta kallari atinakuyta charinka.
Chaypimi kay Instituto Ecuatoriano de Seguridad Social kamaywasiman yaykurichun arininka, paykuna kullkita churachun rimanakunka.
Shinallatak, Seguridad Social de las Fuerzas Armadas kamachiyta, Seguridad Social de la Policía Nacional kamachiyta atinakunka, chay kamachiykunata Comisión de los Derechos de los Trabajadores tantaripi allichirka, kayka Roberto Gómez kamachiy killkak churashka kan.
Kawsaykamay
Kay Seguridad Social kamachiytaka shuk nikita allichinka, shuk churashkalla nikitapash, shuk tukurik nikitapash allichinka, kay nikikunataka tukuy runakuna Instituto Ecuatoriano de Seguridad Social kamakwasiman yaykurishka runakuna shuk pankata charina ninka, chay pankaka llankay wiñaykawsayta charinka, paykuna kullkita churashkapash chaypi rikurinka.
Kay pankapi kikin kullkita churashka, llankachik kullkita churashka rikurinka, shinami: Discapacidades, Seguro de Salud, Seguro de Riesgos de Trabajo, Seguro de Cesantía, Ceguro Social Campesino, Gastos de Administración willaykuna rikurinka, kipaman shuktak kullki yaykurichunpash mana harkankachu, churashka sapan uchilla kullkikunapash chaypimi achiklla rikurinka.
FF.AA awkakuna, Mamallakta Chapakkuna
Kamachiykunapak 113 nikita, 128 nikita rantinchishpa mushukyachinata riman, chay ISSFA kamakwasimanta anchurishpa, chay Policía Nacional kamaymanta anchurishpa, paykunallatak kipman Mamallaktata llankayman yaykurichun ñanta paskanka, kamaykullkita hapishpa katinka. Shinami Seguridad Social kamachiy, Kamachiy Kipupi, 559 yupaywan, 2009 watapi, pawkar killa, 30 puncha killkarishkata paktachinka.
Shinallatak awkakuna Unidades de Salud Militar del Seguro Social de las Fuerzas Armadas hampina wasipi, Unidades de Salud Policial hampina wasipi hampirishpa katinka, chay hampirina wasikunaka Seguro Social de la Policía Nacional ukupimi kan.
JLVN/cz/jc-kichwa
