Kay Transparencia Fiscal, Optimización del Gasto Tributario, Fomento a la Creación de Empleo, Afianzamiento de los Sistemas Monetario y Financiero, y Manejo Responsable de las Finanzas Públicas kamachiy, chay Comisión de Régimen Económico tantaripak makiman chayanka.
Shinami, kay kamachiywan Mamallaktapi llankay, kullki wiñarinka, wakcha runakunata yanapanka, shinami ministro de Finanzas, Richard Martínez kamachik rimarka.
Kay kamachiyka tarpuyta, allikawsayta, dólar kullkita, mushuk llankayta, wasi ruranata yanapanka nishpa kamachik rimarka, shinallatak kanchamanta rantishpa apamushka hillaykunamanta, churarinamanta, shuktakkunamantapash churashka kullkita mana kuchun yanapan.
Kaytaka Presupuesto General del Estado (PGE) mamakullkita wallpashpami paktana kan, chaypak sapan kamaywasikunami mana yanka kullkita tukuchichun mañan, imata rantina, maypi kullkita churanata rikuchishkapillami kullkita tukuchichun mañan. Kullkita tukuchikushka pachapika 5 % patsakri kullkikamalla shuktakyachina kanka, Martínez kamachik rimarka.
Kay dólar kullki kamaywasiyachun, sinchiyarishpa katichun yanapanka, kay Banco Central del Ecuador (BCE) kullkiwasipi kullkita churak kullkiyukkunata achkata yanapanka. Kay kullkiyuk wasi Ministerio de Economía y Finanzas kamaywasiman kullkita mañachichun harkan.
Kay Ecuador llaktaka mushuk llankaykunata wiñachishpa ishkayniki kuskapi Apayayalapi tiyarin, chaymanta chayrak 29 % patsakri mushuk mintalayta charin, kamachik yapa rimarka. Kullki illashkamanta 90 % patsakri kullki mana tiyakpi chinkarishka kan. Shuk llankakwasi 10 watata charishpa achka llankakkunata pushan.
JLVN/ea/jc-kichwa
