Kay Comisión Ocasional tantari, sarun hunkapi kay killa 2 punchamanta, 13 punchakama Mamallaktapak llankay shayarishkata taripachun minkashka, llankashpa katinka.
Chay tantariman Mamallaktapak awllikkuna llaki tiyashkata riksichinkapa chayamunka, paykuna imamanta chaypi kashkata rikuchinka.
Mamallakta Pushak rupana yakupak chanita wichiyachirka, chaymanta runakuna kaparinkapa ñankunaman llukshirka, chay llakita willanka.
Kay minkashka kay killa, 30 , 31 punchakuna kamachikkuna, runakuna willankapa shamunka, shinallatak sasi killa 5, 6, 7, 8, 11, 12 punchakuna runakunata chaskinka. Shinami 14 punchamanta, 18 punchakama minkashkakuna killkashka pankata atinakunka, shinami sasi killa 19 punchakama atinakunka. Chay 21, 22 punchakama willayta arininka, Mamallakta Tantanakuy 23 punchata arininka.
Mamallakta Pushak rupana yakupak chanita wichiyashkamanta, wakcha runakuna kaparinkapa ñankunaman llukshishpa, antawa purinata harkashpa, paykunapak hayñita mashka hawallami, chayamuk runakunaka willanka. Chayamuk runakunata tapuy tiyanka, paykuna imashina kakta riksichinka.
Shinallatak, Fernando Burbano, Comisión Ocasional tantarita pushak, taripayta rurankapa sinchita yuyarichun, alli shunkuwan llankachun mañarka, shinallatak Mamakamachiy rimashkata, kamachiy rimashkata hapichun mañarka, tukuripi Mamallakta Tantanakuy arininka rimarka.
EG/cz/jc-kichwa
