Kay Comisión de Fiscalización y Control Político, Johanna Cedeño Zambrano pushashka, Albán Maldonado, Secretaría Nacional de Educación Superior, Ciencia, Tecnología e Innovación (Senescyt), Universidades Amazónicas hawa Senescyt willachun kayanka.
Chaymanta paymi kay sumak yachanawasikuna wiñarinamanta riksichinka, payka Para la Circunscripción Especial Amazónica kamachiy rimashkatami paktachina nirka.
Antisuyuman Kamachiy kullkiwan yanapaymanta, kullki mushuk llankayman mañachishkata rimashpaka, Carlos Luis Tamayo, BanEcuador kamachik, tawka llankaykunata wiñachirkanchik nirka, chayka: Turismo Amazónico; Artesano Amazónico; SOS Amazónico; Emprendimiento Amazónico; (migrantes, juventud) llankaykunami kan nirka.
Chay kullkikunaka ashalla wawa kullkitami hapin, shinapsh ashtawan ashallatami hapina kan, chayka (8,90%) wawakullkimanta urayman kanka, chaytaka BanEcuador mana rikunchu, Junta de Regulación y Política Monetaria y Financiera kamachik, Banco Central kamachikmi rikun nishpa willarka.
Tukuyta rikukpika 31 266 kullki mañachimi Antisuyupi pusharishka, tukuy mañachishka kullkita tantachikpika 193 hunu dólar kullkimi rikurin, shina chay llaktapi kawsak runakunaman chayachishka rikurin.
Paymanta, Eliseo Azuero, Sucumbíos markamanta, minkashkapak kipapushakka, Especial para la Amazonía kamachiy rimashkata kunankaman kamachikkuna mana paktachishkachu, kamachiyka 90 punchapi paktachichun mañarka, shiapash mana uyashkachu nirka, akllashka kamachiy kashpa shuktak kamachiykunapak hawapimi kan nirka.
Ña tukuchinkapa, Gerente de BanEcuador Kamachik, mushuk kullkita mañachikuna tiyachun, chaywan runakunata yanapana rimarka, mitachikunawanpash yanapana nirka, chaywan ayllullaktakunaman tukuysami alli llankayta chayachina kanka nirka.
EG/cz/jc-kichwa
