Kay Banco del Instituto Ecuatoriano de Seguridad Social (Biess), Carlos Troncoso kamachik kaypi kaywan rimanakuy kallarirka.
Chaymanta Comisión de los Derechos de los Trabajadores tantari, chay Administración de los Fondos Complementarios Previsionales Cerrados, entre el 2015 y 2019 kamachiyta allichishpa katin.
Mamallakta awllik, Pedro Caicedo, Fondos Previsionales del Biess kamachikwan, kay Coordinación de Fondos Complementarios llankay katishkata rikuchirka, payka kamaywasipak 6.923 hunu dólar kullki tiyashkata rikuchirka, chayka pankapi 423 kullki rikurin nishpa willarka, 73 hunu kullki wawakullkipi rikurin, chayka 7.494 hunu llankaypi yaykurishka kan nirka.
Tayta, Caicedo kullkika mana tukuypakchu kan, shukpakllami kan nirka. Payka mashna kullki tiyashkata, mashna kullki llankakushkatapash rimarka. Kunanpika 62 Fondos Complementarios Previsionales Cerrados administrados por el Biess kullkimi tiyan nirka, chaytami Mallaktapak 18 markakunaman riksichirka.
Shinallatak Bairon Valle, Vicente Taino, Cristina Reyes kamachiy killkakkunapash chay yuyaytallami rimarka, paykunaka IESS kullkita, BIESS kullkita kamanami kan nishpa tukuykunaman willarka.
Shinallatak, Cristina Reyes, kamachiy killkakka, kay Reivindicación Laboral y de Seguridad Social kamachiyta kutintak allichinata kallarishkatami riksichirka, chay kullkimanta mirarishka wawakullkita llankakkunaman rakina kanka nirka, chayka yapa mitachi kullkimi kanka nirka, llankak wasipi llankak, sapsi kullkita ama yakuyachichun, shina rurana nirka.
Kamachiy killkak, Reyes, Justicia Laboral y Reconocimiento del Trabajo en el Hogar Hatun Kamachiywan shukpaklla llankana wasipi llankak runakuna wawakullkita hapichun harkan nishpa charirayarka, puchu kullkita chay Instituto Ecuatoriano de Seguridad Social wasiman chayachirka, chaytaka Corte Constitucional, churashka kamachiywan arinishkami karka. Shinapash IESS kullkita mana wakllichirkachu.
RSA/cz/jc-kichwa
