Mamallakta Pushak rupana yakupak chanita wichiyachikpi runakuna, tantarikuna paykunapak hayñita pakishkata rikushpa ñankunapi, kitikunapi kaparikpi chay Andina Simón Bolívar, Salesiana, Católica, Escuela Politécnica Nacional, Central sumak yachana wasikuna yanaparka.
Chayta rikushpa Comisión de Educación riksishpa shuk willayta chayachirka, shinami Mamallakta Tantanakuy chya sumak yachanawasikunaman kuyayta rikuchirka.
Shinami, tantarita pushak, sumak yachanawasikuna shuktak kamaywasikuna hatun llakikuna pacha makita kushpa yanaparka, Jimmy Candell kamachiy killkak rimarka, paykuna hampita, mikunata, kushpa, mutsurishkata kushpa, kaparikkunaman puñuchun minkachishpa yanaparka, ashtawankarin wawakunata, warmikunata, yuyak runakunata yanapashkata riksichirka. Shinami sumak yachaywasikunaka Mamakamachiypak 350 nikita, Educación Superior Hatun Kamamchiyta paktachirka, runakunata yanaparka, Mamallaktata ukllarka.
Makanakuypi allpapi: llaktakuna, runakuna, wawakuna, warmikuna, chapakkuna chukririshka kakpi, takarishka kakpi hampirkanchik, llakikuna chaypilla sakirichun, Mamallakta tukuykunaman tiyashkakunata rakichun kamachikkunawan, llaktakunawan rimanakuy tiyachun yanapanchik, Fernando Sempértegui, Universidad Central hatun kamachik rimarka.
Chay hatun llaki ukupika, mana chikanchu kana kanchik. Ñukanchika yachakukkunawan, yachachikkunawan, llankakkunawan arinishpa llaki pitirichun achkata yanaparkanchik, kitipi kawsak llaktayukkuna yanapashkatapash chayachirkanchik nirka, shuk yanapak kuskata wiñachirkanchik, Florinella Muñoz, Escuela Politécnica yachanawasipak hatun kamachik rimarka.
Shinalltak Joe Villacís, Ricardo Caiza yachakukkuna, kay atik runakunaman yanapay kuskakunata ashtawan wiñachina nirka, shinami llaktakuna, yachakukkuna, kamachikkuna, llankakkunapash llakikuna tiyakpika yanapana kanchik, rimarka.
Kawsaypura yachay
Kipaman, minkashka Ministra Educación, Monserrat Creamer kamachikta chasikirka, payka Educación Intercultural Bilingüe hawa rimarka, 14 runa kawsaykunaman yachayta kuna nirka, kunan wata 90 wichkarishka yachana wasikunata pashkashun, 2020 watakama 900 yachana wasita paskashun, rimarka.
MG/ea/jc-kichwa
