Kunan puncha, 08:30 sayllamanta Mamllakta Tantanakuy, Crecimiento Económico kamachiy hawa rimanakuywan katin.
Kay rimanakuyka wayru killa 31 punchamanta kallarirka, chaypi pusak kamachiy killkakkuna rimayta charirka, César Litardo, Mamallakta Tantanakuyta pushak willarka.
Manarak rimankuy kallarikpi, akapi yakuta rurak llankakwasikunata chaskirka, yachankapa kullkita surkushpa munta charik yachakukkuna mama kullkita, wawakullkita tikrachinkapa llakita charishkata willarka.
Kay Crecimiento Económico kamachiyka 8 waranka, yachankapa kullkita mañachishka yachakukkunatami yanapanka, 200 akapi yakuta rurak llankak wasikunatami yanapanka, chayka Impuesto a la Renta anchuchikpi, Impuesto a la Salida de Divisas (ISD) kullkita ashayachikpi kullki wiñarinka, llankaykunata mirachinka nirka
Kipaman, Daniel Mendoza, kay Comisión de Régimen Económico tantarita pushak, kamachiy kallari atinakuypi achka nikikunata allichina kan, kaytami minkashkakuna rikunka rimarka. Achka nikikunata allichishpa Ecuador llaktapi kawsak runakunata yanapanka nirka.
Tawka kamachiy killkakkuna chay Banco Central kullki wasi, chikanyashpa llankachun ñanta rurana kan nirka, kay dolarización llankayta ama urmachichun kamana nirka, Mamallaktapi yachakukkuna mañashka mama kullkita, wawakullkita mana tikrachinata mana ushakta yanapanka nirka.
Mamallakta Tantanakuy 30 punchata, atinakunkpa charin nirka, chayka sasi killa, 17 punchapi paktan nirka. Kay punchakunaka Comisión ishkaykun rimanakuyta chariwan, ishkaykutin atinakuchun sasi killa 9 punchakama charin nirka.
LILA/jc-kichwa
