Kay Parlamento de los Pueblos, Organizaciones y Colectivos tantarika 180 llakta tantarikunami washparishka kan.
Chaymantami paykunaka kayna puncha, César Litardo Mamallakta Tantakuyman Jaime Vargas, Confederación de Nacionalidades Indígenas del Ecuador, (Conaie) tantarita pushak mushuk kamachiyta chayachirka.
Kay kamachiytaka llaktakunawan, runa llaktakunawan kullki llaktayta churarka, paykunaka kullki llaktay hawa, runakuna, Mamallaktapak kawsay tarpuyta charinka, chaytami paykuna rikurka.
“Ñukachik churashka mushuk kamachiyka shamuk punchakuna Mamallakta Tantanakuy atinakuyta charichun”, Vargas rimarka. Kipaman payka, kay mushuk kay kamachiyta chaskishkamanta, runakunaman punkuta paskashkamanta Mamallakta Tantanakuyta pushakta yupaycharka.
Paymanta, César Litardo, chay Parlamento de los Pueblos mushuk kamachiyta churashkata chaskirka, mushuk yuyaykunata hapirka. Yuyarinakushpa, shuklla yuyayta charishpa alli kamachiykunata surkushun, shinami runakunapak yuyaywan kay Crecimiento Económico kamachiyta allichishun rimarka.
Mamallakta Tantanakuypak llankayka kay mushuk mañaykunata chay Comisión Especializada de Régimen Económico tantariman kachana ruraytami charin, paykunami mushuk yuyaykunata, rimaykunata hapishpa alli kullki kamachiyta killkana llankayta charin.
EA/cz/jc-kichwa
