Kutinatak Comisión Ocasional Multipartidista tantarirka, chaypi Mamallakta shayari puncha hawa willaykunata chaskirka, tapuykunata churarka.
Tapuyta tikrachishpa: hapishka runakunata wiwata shina chapak awkakuna pusharka nishpa willarka.
Chay Politóloga Adoración Guamán yachakka Mamallakta shayari punchakuna runakuna mancharishka karka nishpa willarka. Kay llakikuna maymanta shamushkata taripanami kan nirka.
Paymanta, Gabriela Ruales, Colectivo Geografía Crítica kamaywasimantaka, paypak tantari maymanta chay runakuna kapararinka llukshishkamanta riksichirka. Chapak awkakuna kaparik runakunata, warmikunata, imillakunata ayñiwan takashkata, runapak hayñita pakishkata riksichirka, yankamanta kari, warmi runakunata hapishkata riksichirka.
Kay Quito kitimanta, Jorge Yunda kamachikka, runakuna kapari punchakunaka rimankuyman, runakuna kasiklla kawsayman chayachun mañarkani nirka. Atiri punchakunaka Concejo kamachikkunaka punchanta rimanakuyta charishkata riksichirka, shina llakikuna ama yalli katichun yanapashkata riksichirka.
Kay Quito llaktapi yaku mana chakirirka, zirmapash mana pitirirka, antanka pawana punkupash mana wichkarirka, kitipak antawa purishpa katirka. Chaykunatami payka willarka. Kitipak katuna pampa, wasikuna 70 %. patsakrita rantikkunata chaskishpa katirka.
Kiti pushak rimashka kipa, kamachiy killkakkuna tapurka, chay Prefecta de Pichincha, Paola Pabón kamachikwwan kimirinakuyta charirkanchikchun nirka. Payka kitipak llankayta rurankapa karumanta rimarirkanchik, chayka manarak kapari puncha chayakpi karka, Kitiwasiwan, Hatun Kamachikwan llankaykuna hawa rimanakushkata riksichirka.
SV-EG/cz/jc-kichwa
