Kamachiy killkakkunapak arininishka 70 apuchiwan, 32 mananiwan, 31 shuyaywan Crecimiento Económico kamachiy washaman sakirirka.
Chaypak Vicente Almeyda, Raúl Tello kamachiy killkakkuna rimashkata katirka, paykuna rimashkata shuktak kamachiy killkakkuna uyarka, mana nirka.
Paykuna rimashpa, mana nishpa chikan rimaykunata churarka.
Wakinkuna alli kamachiy kanata rimarka, wakinkunaka alli yuyaykunata hapina nirka. Shuktakuna wakaychina, washaman shitanata yanaparka, tukuy nikikunata atinakunkapa achka pacha mutsurin nirka. Shuktakunaka Mamallakta Pushak shuktak kamachiyta kachachun mañarka.
Tawka kamachiy killkakkunami Mamakamachiywan takarin nishpa kaparirka, shuk kamachiytalla mana riman nirka, runakuna churashka kullkita yapa kuchun mañan nirka, kay kamachiyka kay Mamallaktapak tawka ayllullaktakunata yanapanatami charin nirka.
Rimankuy pushari
Kay Crecimiento Económico kamachiyta atinakuy, rikuykachay, kamachiy tiksita Mamallakta Tantanakuy, paypak kamachiy killkakkunawan rimarka, nikikunata katishpa atinakurka. Shinami Daniel Mendoza, Comisión de Régimen Económico tantarita pushak, maypi pantaykuna, allichinata tiyashkata rikuchirka.
Kay kamachiy wayru killa 18 puncha Mamallakta Tantanakuyman chayamurka, 30 punchata minkashkakuna atinakurka, shinami Función Legislativa kamachiy rimashkata katirka, kipaman kayta Mamallakta pushakman wikllanka.
LILA/cz/jc-kichwa
