Kay Comisión de Derechos Colectivos tantari, chay: Hernán Reyes. Romel Jurado, Universidad Andina Simón Bolívar hatun yachay wasimanta yachakkunata kayarka.
Shinallatak Gissela Dávila, Centro de Estudios Superiores de Comunicación para América Latina (Ciespal) pushakta kayarka, paykunaka Comunicación kamachiypak 5 nikita allichina nirka, kay kamachiy hayñi kachun, mana mitachi kachun rikuchirka.
Kay rimanakuyka sasi killa, kaya, 20 puncha pusharinka, 10:00 sayllata kallarinka, chaypillatak tantariman yaykurishka kamachiy killkakkuna chay Furukawa Plantaciones C.A llankak wasipi llankakkunapak llakita atinakunka, apuchinka, allichinka arininka.
Ña yuyarina kanchik, Mamallakta Tantakuyka chay Comisión de Derechos Colectivos tantari, kay llakita rikuchun minkarka, chaymanta Defensor del Pueblo kamachikta, Ministro y Exministro de Trabajo kamachikta, Ministra de Salud kamachikta, Presidente del Instituto Ecuatoriano de Seguridad Social (Iess) kamachikta, Directora del Servicio de Rentas Internas (SRI) kamachikta kayarka, kipaman llankak runakuna llakita charishkata rikunka.
Shinallatak, kay tantariman yaykurishka kamachiy killkakkuna chay: Fiscalía General del Estado kamachikta, Ministerio de Agricultura y Ganadería (MAG) kamachikta kayarka; ashtawankarin Furukawa C.A llaktak wasipi llankakkunata kayarka, paykuna imashina chay llaki kashkata rikisichirka, chayta hapishpa llakita harkana nirka.
Kay arinishkataka Secretaría de la Asamblea Nacional ukuman kachanka, chaypimi kamachiy killkakkuna atinakushpa, kipaman imashina chay llakita allichun shuk rikuyta churanka, llankakkuna yanapayta chaskinka.
JLVN/ea/jc-kichwa
