Shamuk punchakunapi Código de la Democracia kamachiyta arininka

Martes, 19 de noviembre del 2019 - 15:03 Imprimir Elaborado por: Sala de prensa

Tayta César Litardo Caicedo, Mamallakta Tantanakuyta pushak, kay killa, shamuk kullka, 21 punchapak kamachiy killkakkunata kayarka.

Chaymantami 09:00 sayllata rimanakuy kallarinka, 631 yupay rimanakuy pusharinka, chaypimi Desarrollo de la Acuicultura y Pesca kamachiyta atinakunka.

Kay kamachiyka, chalway llankaykunatami yanapanka, runakuna chalwata tarpunka, wiñachinka, mirarichinka, katunkapa surkunka.

shinallatak kulkanka, llakta ukupi mintalanka, ista llaktamanpash katunka, puchutaka wakaychinka. Shuktak yakuwan llankaykunatapash ruranka, shinami unipak pachamamata kamanka, yakuwan llankaykunata unipak mirachinka.

Kay kamachiyka Mamallaktapi chalwanta tarpukkunaman achkata yanapayta chayachinka, chaypak yachaykunata churanka, tiyak pachamama llikata ukllanka, maypimi tiyakkunapak kuskapi ashtawankarin yachayta pushanka. Kay ruraykunataka Mamallaktapak ukupi chalwana llankayta, shuktak llankakykunawan kimirichishpa sinchiyachinkapami kanka.

Shuk hatun yuyayka kamachiywan mana arinishka chalwa llankaykunata anchuchinkapami kan, kay kamachiywan mayukunapi, mamakuchapi llankaykunatapashmi nikinka, shinami kipaman llakikuna ama rikurichun harkanka, shinallatak chalwa llankaywan kimirishka llankaykunatapash rikunatami charin, kamachiywan mana rikushka llankaykunatapash chapanka.

Shinallatak kamachiy killkakkuna chay Comisión de Soberanía y Relaciones Internacionales tantarika, Ecuador llaktapi kawsak runakunapak, llaktayukunapak kawsayta taripashkakunata rikunata charin, taripaymanta yanka willaykuna hicharishkatapash mashkanka, sakirichun harkanka.

SV/ea/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador