Kay 1989 watamanta kunankama kimsachunka wata paktan, chaymanta wawakunapak, imillakunapak hayñita tukuy allpapacha riksin.
Chaymantami Mamallakta Tantanakuy yuyarita arinirka, wawakunata mana tsiknina, wawakuna rimayta charichun, hayñita charichun, alli kawsachun, wiñarichun riksirka.
Mamallakta Tantanakuypak 630 tantaripi wawakunapak hayñita pushankapa arinirka, riksirka, wawakunata imillakunata yanapashpa llankakkuna mashna kullki tiyanata rikuchirka. Shinami wawakuna, imillakuna rimashka hatun karka, kamachiy killkakkunapak yuyaypi kallaripi tiyarirka.
Mashna kullki
Mamallakta Tantanakuypak rimanakuypi, Joaquín González, del Fondo de las Naciones Unidas para la Infancia (Unicef) kamachik, Ecuador llakta wawakunapak hayñita hawaman churashpa llankakun nirka. Payka Mamallakta Tantanakuy chay Código Orgánico de Niñez y Adolescencia kamachiyta arinichun, kay Comité de los Derechos de los Niños arinishkata ña mañachichun mañarka.
Kay Gonzáles kamachik, sapan hunkapimi 10 watata, 14 watata charik, 40 warmi wawakuna, 2016 watapi wacharka, kimsa wawakunamanta shukmi llakichishka wiñan; pichka wawakunamanta shukmi ahashka yachanawasipi kan; 5 watamanta, 19 watakama 270 wawakunami 2018 watapi payllatak wañurka, kay llakikuna Ecuador llaktapi kaypilla sakirichun kullki tiyachun mañan.
Wawakunapak rimay
Wawakuna kay Salón Plenario Nela Martínez wawakuna paykunapak yuyayta rikuchirka, chay yuyaykunawan kamachiy killkakkuna wawakunata, imillakunata yanapak yuyarita arinichun yuyayta kurka. Shinalltak Elio Cedeño, 12 watata charik wamra, Consejo Consultivo tantarimanta shamuk, takaykuna, runakuna purina, kamay illak llakimi hatun kan nirka. Chay llakkunta rikushpa alli yuyarita surkuna kan nirka.
RSA/cz/jc-kichwa
