Kay Consejo de Administración Legislativa (CAL) tantari, kunan, 22 puncha kay Simplicidad y Progresividad Tributaria kamachiyta allichinkapa arinirka.
Kay kamachiyka Mamallakta pushak kachashka ñapash arinina kamachiymi kan, kaytami Comisión de Régimen Económico tantari utkashpa rimanankunata charin.
Shinami César Litardo, Mamallakta Tantanakuyta pushak makiwan rikuchirka, llaktay tantari pushakkunawan, Lenin Moreno, Mamallakta Pushawan rimanakuyta charishka kipani shina rimarka, kay Ecuador llakta kay kamachiyta mutsun nirka.
Llaktay tantaripak chikan chikan yuyaytaka washaman sakina, Mamallakta kullkiwan ñawpakman richunmi yuyana kanchik, Litardo, hatunyashpa rimarka.
Payka, chaymanta ña CAL tantarika Comisión de Régimen Económico tantariman mushuk Kamachiyta kacharka, 20 punchapi ña allichishka kanka, shamuk hunkapimi kallari atinakuyka kanka, alli yuyaykunata surkunka, llaktakunaman willanaka.
Kay Simplicidad y Progresividad Tributaria kamachiyka, kay Impuesto al Valor Agregado (IVA) kullkita mana mirachin. Uchilla llankakwasikunata charikkunaman Eliminación del Anticipo al Impuesto a la Renta (IR) katin, shinallatak chay Industrial, Agrícola y Ganadero llankakkunaman churashka kullkita shuyan, sarun Mamallakta shayarikpi 10 % patsakri IR chanita 2020 watapi urayachin. Kaytaka Cotopaxi, Imbabura, Bolívar, Chimborazo, Cañar, Tungurahua markakunami hapinka.
Shuk hunu dólar kullkita charik, 100.000 dólar kullkita charik, unkuypi, ancha unkuypi, mana riksishka unkuypi kullkita tukuchishka kashpa ashalla churashka chanita kunka. Shinallatak Manabí, Esmeraldas markakunamanta 2016 watapi allpa chukchushpa llakirishka 30.000 ayllukuna kullkita mañashkamanta ashalla chani wawa kullkita kunka. .
EA/cz/jc-kichwa
