Kay Comisión Ocasional, Consejo de Participación Ciudadana kamachikta akllankapa Mamakamachiyta allichinata kallarikutin atinakuchun ñami kan,
Kay kamaywasi apunakunatami saywanka, hatun kamachikkunata churanata saywanka, shinami tatkikunata harkanka.
Kay mushuk mañaypika Mamallakta Tantanakuymi hatun kamachikkunata aklllashpa churanka, paykunataka kari warmi pakta paktami akllanka, Ecuador llaktamanta ista llaktapi kawsak runakunapash akllarinata ushanka. Kay akllaypi chikan chikan kallarita, achiklla kayta, mana pantashkalla, yachak runakunata akllachunmi mañan.
Mushuk kamachiyka, Mamallakta Tantanakuymi Procuraduría General del Estado kamachikta, Superintendencias kamachikta, Defensoría del Pueblo kamachikta, Defensoría Pública kamachikta, Fiscalía kamachikta, Contraloría General del Estado kamachikta, Consejo Nacional Electoral kamachikta, Tribunal Contencioso Electoral kamachikta, Consejo de la Judicatura kamachikta akllashpa churachun ñanta paskan.
Kay Consejo de Participación Ciudadana y Control Social kamaywasika, shuktak kamaywasikunapak kamachikunata akllankapa minkashkakunata akllana llankayta charin, kamachikkunaka mishashpa, mananishka akllarinata usharinka, kay kamachikkuna rikushka, mananishka paykuna ushana llankayta pushankapa tiyarinka.
Mamakamachiyta allichina llankaytaka Ximena peña, Elizabeth Cabezas, Wilma Andrade, Eddy Peñafiel, Franco Romero, Fernando Burbano kamachiy killkakkunami sinchita llankashpa pushakun.
PV/cz/jc-kichwa
