Mamakamachiyta allichishkapi chay Cpccs imashina apunata rakin

Viernes, 29 de noviembre del 2019 - 15:46 Imprimir Elaborado por: Sala de prensa

Shinami Mamakamachiyta allichishkapi chay Cpccs imashina apunata rakin, chaymanta kunanka Mamallakta Tantanakuymi hatun kamachikkunata akllashpa churanka.

Chaymanta  kamachiy killkakkuna pichka apuchiwan arinirka, Comisión Ocasional de Enmiendas, Elizabeth Cabezas pushashka kan.

Mushuk kamachiyka, Mamallakta Tantanakuymi Procuraduría General del Estado kamachikta, Superintendencias kamachikta, Defensoría del Pueblo kamachikta, Defensoría Pública kamachikta, Fiscalía kamachikta, Contraloría General del Estado kamachikta, Consejo Nacional Electoral kamachikta, Tribunal Contencioso Electoral kamachikta, Consejo de la Judicatura kamachikta akllashpa churachun ñanta paskan.

Chay hatun kamachikkunata shutichinkapa, llankaymanta surkunkapa kamachiy killkakkunapak chawpimanta yalli apuchikunawan arininka, kunanka tukuymanta kimsa chawpishka apuchikunami mutsurin nirka.

Minkashka kamachiy killkakkunaka, mushuk kamachikkunataka kari warmi pakta paktami akllanka, Ecuador llaktamanta ista llaktapi kawsak runakunapash akllarinata ushanka. Kay akllaypi chikan chikan kallarita, achiklla kayta, mana pantashkalla, yachak runakunata akllachunmi mañanta, llankanata munak runakuna akllachun mañan.

Mushuk mañaykuna

Minkashkakunaka, kay Tantarika shamuk wata, kulla killa, 31 punchakama llankankapa mañarka, chay punchakama Mamakamachiyta mushukyachishun mañan, Mamakamachiyta mushukyachinaka chay Pablo Dávila, yallik Consejo de Participación Ciudadana yaykurishka yanapachun mañarka.

LILA/cz/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador