Kaya puncha 10:00, sayllata Mamallakta Tantanakuy chay Electoral y de Organizaciones Políticas, Código de la Democracia kamachiyta atinakushpa katinka, apuchikunata kunka.
Kay atinkauyka Agenda Legislativa ukupimi kan, kay llankayka 2018 watamanta sakirishka karka.
Kay Comisión de Justicia tantarika, kanchish kutin atinakushka kan, chaypi 80 kamachy killkakkuna rimayta churaska kan, paykuna alli kamachiy killkarichun yuyaykunata uyachirka.
Kay mushuk kamachiyka kari warmi pakta pakta akllarinatami mañan, Webster ñanpak ranti D’ Hont ñanta katishpami apuchikunata yupanka, akllarikukpi warmi kashkamanta mana haminata harkanka, llaktay tantariman yaykurishka ashalla kamachy killkakkunapak mañayta hapinka.
Kay mañaytaka Guayas, Manabí, Pichincha markakunami churarka, chayta paktachishpami shina wallpan, chaymanta paklla llaktakuna, kiti ayllullaktakuna mañashkata hapinka, paykunapash kamachikkunata akllashpa churanka, shuktak markakunapash kay ñanta hapinka, paykunapash kamachikta akllanka.
Kaya puncha Mamallakta pushak rikuchishka chay Ministerio de Transporte hawa rimanakunka, Mamallaktapak shukatak kamaywasikuna hawapash atinakunka, kipamanka chay Ambato, Riobamba, Cuenca llaktakunaman hatun antawa ñanta rurankapa atinakunka; shuktak rimaypika Eloy Alfaro antakuri Guayaquil llaktamanta Quito llaktaman chayachun atinakunka. Shinallatak “Corredor vial de Guayaquil-Machala” ñantapash allichinkapa atinakunka.
Kaya puncha 11:00 sayllata Mamallakta Tantanakuy 634 yupay rimanakuyta pushanka, chaypak César Litardo Caicedo Mamallakta Tantanakuyta pushak kamachiy killkakkunata kayarka, chaypimi Día Internacional de las Personas con Discapacidad ṕuncha kashkata yuyarishpa aknanka.
MG/jc-kichwa
