Mamallakta Tantanakuy 492 yupay tantaripi, César Litardo kamachik pushashka, Código de la Democracia kamachiyta arinirka.
Kay kamachiyka Comisión de Justicia y Estructura del Estado churashka kan. Kimsakutin apuchirka.
Chaypi kari warmi palta palta akllarinka; llankaypi tiyarichun kuskachinka; tukuy nikikunata allichirka 1, 38, 34 nikikunatalla washaman sakirka.
Kay 133 kamachiy killkakkunamanta, 76 apuchirka, shina kay kamachiy arinishka sakirirka. Kay kamachiy D’Hont ñanta, Webster ñanwan rantinchirka, tukuysami akllaypi shina kanka, kay apuchi ñanka uchilla llaktay tantarikuna kamachiy killkak yuyayta churashkatami hapichin.
Shinami 2021 watapika 15 % patsarki warmikuna llaktayta ñawpanka; 2023 watapika, 30 % patsakri warmikuna ñawpanka; 2025 watapika 50 % patsakri warmikuna ñawpanka, shinami kari warmi pushak tukunka, pakta pakta llaktay llankayman yaykurinka.
Mama Ximena Peña kamachiy killkak, Justicia tantarita pushak, manarak akllarishpa riksirichun 15 punchata churan, chaypi shuktak llaktay tantariwan kimirishpa akllarinkapa tiyarinka, chay punchakuna pakta yuyayta charikta, kipaman pakta pakta llankayta yuyarinka, allichirinka.
Kallaripika, llaktaypak mashna kullkita tukuchinatami rimarka, 70 % patsakri kullkimi yachachinkapa kanka, chay kullkita yachaypak, taripaypakmi kanka, shinallatak 30 % patsakrika kamaywasita pushachumi rikuchin. Llaktay tantarikunaka paykunapak tantari ukupi munashkata yachachinka achka pachata charinka, chaypimi Consejo Nacional Electoral kamaywasi, Tribunal Contencioso Electoral kamaywasi imatalla yachachinapi yanapanka.
MG/cz/jc-kichwa
