Kay Simplicidad y Progresividad Tributaria kamachiyta ishkaykutin atinakuyta charichun Comisión de Régimen Económico tantari, chay BanEcuador kullki wasipak, Corporación Financiera Nacional (CFN) kullki wasipak rimayta chaskirka, paykuna shuktak runakunapak llankayta yanapachun mañarka.
Kay kamachiypi rimashkapak yapa, mintalayta, chalwa tarpuyta, kullkiwasikunamanta, tukuylla kullkiwasimanta wawakullkita, wanachishka kullkita anchuchishkata rimarka, shinami Carlos Tamayo, BanEcuador kullkiwasimanta kamachik rimarka.
Mamallaktapak kullki awllikka 100 warankata kullki mañakkuna mana wawakullkita tikrachishkamanta willarka, chayta Urgente kamachiy yanapachun shuyan, kay BanEcuador kullki wasiwan 16 waranka runakuna yanaparishka kanka.
Kay CFN kullkiwasi, Pablo Patiñ kamachik, chay Plan Renova kullkiwasi imatalla llankashka, imashina kullkiwan runakunata, llaktakunata yanapashkata willachun mañarka, ashtawankarin Manabí markapi, Carchi markapi llankayta rurashkata willachun mañarka, shinallatak hatun antawapi llankaypak kullkita mañachishkata mana sakichichun mañarka.
Kipaman chay Confederación Campesina y Montubia del Ecuador tantarita pushakkunata chaskirka, shinallatak Riego de la Sierra-Centro tantarimanta pushakkunata chaskirka, chay kamachiy utka arinirichun mañarka, paykunapak yuyaypika chay kamachiy, paykunapak llankayta yanapankacha nirka.
MG/cz/jc-kichwa
