Kay Ríos, Manabí, Guayas markakunamanta 6.000 waranka apyupi tiyarishkakuna kasiklla mañay sikayta ñawpakman pusharka.
Chaypimi Kamachik César Litardo, Mamallakta Tantanakuyta pushak ñawparka, shinallatak Guayas markapushak, Pedro Pablo Duart kamachik, Prefecto del Guayas, Carlos Luis Morales kamachik, Santa Lucía, Edson Alvarado kamachik chaypi karka. Kay raymi Mamallaktapi Kasilla tiyachun karka.
Wawakuna, warmikuna, karikuna Santa Lucía llaktapak ñanta yurak wipalawan purirka, chay llaktapi ama takay tiyachun mañarka, chaypi kak runakunapash chayta yanaparka.
Mamallakta tantanakuyta pushak, kay apyuwan kallpanaka may sumak yuyaymi kan nirka, ayllullaktata, kamachikkunata kasillata mashkankapa yaykuchin nirka. Chay “ Wayru killapi runakuna hatarika mana allichu karka, kunanka Ecuador llaktapi alli llankay tiyarichunmi mashkana kanchik nirka, tukuykuna rimanakushpami alli llankayta mashkana kachik”, rikuchirka.
Paymanta, Carlos Luis Morales, Ecuador llaktapi kasilla tiyachun mañarka, kay apyupi purinaka llaktay wipala mana kanchu nirka. Ama kutintak makankuy, takanakuy tikramuchun, Mamallaktapak kamayta ama wakllichichun mañarka.
Shinallatak Santa Lucía kitita pushak, sikayta chaskik, kay apyupi tiyarishka llankayka rimanakushpa mushuk llankayta mashkana kallarimi kan nirka, kamachik runakunawan katik rimanakuykuna tiyachun kallarichimi kan nirka.
Kay kallpay pacha, kitipi kawsak ayllukuna, apyupi sikashka wayra rumpata, wipalata markashka kallpakkunata chaskirka. Kamachikkuna Santa Lucía kitipak apunchik wasi manyapi, sisa kamarita, kuchipatapak ushnuyta chaskirka, kipaman tiyarishkakuna ñanta katishpa rirka. Kay raymiman Ecuador llaktapak chikan chikan, llaktakunamanta shamushka karka.
Jc-kichwa
