Kay 83 apuchiwan, Mamallakta Tantanakuy, 637 yupay rimanakuypi, mushuk Simplificación y Progresividad Tributaria kamachiyta arinirka.
Kay kamachiyka llaktakunapi llankaykunata wiñarichun, kullkikuna mirarichun yanapanka.
Chaymanta utka kamachiy shutita charin, kapak killa, 20 punchapak ñan llankay kallarinka, shinami kay kamachiy paypak yuyayta llaktakunaman paktachinka.
Chaymanta kamachiy killkak, Daniel Mendoza, Comisión de Régimen Económico tantarita pushak, paymi kay kamachiyta churarka.
Shinami dólar kullki katichun, Mamallaktapi tiyakkunata llaktakunaman pakta pakta rakichun yanapanka. Shinallatak “ yallita charik, yalli churashka kullkita kuchun mañarak arinishka kan, chay kullkita wakcha runakunata hapichun nirka”, yuyayta kurka, llaktaman paktachichun mañarka.
Kay kamachiypak yuyayka: churashka kullkita imashina rakita, Mamallaktapi tiyakkunamanta llukshik kullkita imshina rakina, mushuk llankaykunata wiñachina, kapukkunata istaman mintalanata yanapanka, llaktayukkuna paykuna charishkamanta churashka kullkita Mamallaktaman churanata mana washaman sakichun yuyachina.
Mamallakta, sarun killa Mamallakta pushak 883 yupayuk churashka kamachiyta churakpi runakuna, mana chaskishpa kaparikpi, llankaykuna shayarishkamanta, shuk kutinlla 10 % patsakri Impuesto a la Renta kullkita Imbabura, Bolívar, Chimborazo, Tungurahua, Cotopaxi, Cañar, Loja, Azuay, Carchi markaman chayachichun, chay kullkiwan tarpuyta, wakra wiñachinata, riksina llankayman churachun mañarka.
Shinallatak 90 puncha mitapi, Ministerio de Educación kamaywasi, mashna yachachikkuna tiyashkata kipuchun, chay shutikunata IESS kamaywasiman chayachichun mañarka, shina Corte Constitucional rimashkata, 2020 watakama mañashkata paktachichun mañarka.
Katipka kay tarpuy, chalway llankkaykunapi kullkita churashkamanta mana kullkita tikrachishkamanta kunkarin, shinallatak Corporación Financiera Nacional y BanEcuador kullki wasimanta kullkita mañashpa mana tikrachishkamanta kunkarin, istapi kawsak runakuna charishkata kay llaktaman kachakpi chay Servicio de Aduana kamaywasi kullkita mana hapichun yuyarin.
MG/jc-kichwa
