Kay La Comisión Permanente de los Derechos de los Trabajadores y la Seguridad Social tantari, chay Servicio Público (Losep) kamachiypak 135 nikita, 136 nikita tantachishpa kallari atinakuypak willayta killkankapa pusak apuchiwan arinirka.
Chaypi Mamallakta yallik pushakman, kipapushakman paykuna llankashkamanta kullkita kuna hawa rimanka, chaypi kakkunamn hamutachuirka.
Kanchis kamachiykunata allishpami chay Losep kamachiypak nikikunata allichinka, yuyayka chay ñawpa Mamallakta pushakkuna kullkita hapikushkata anchuchina yuyaymi kan, shinami Servicio Público kamachiypak sapi yuyayta allichina kan nirka, chaypak Secretaria Jurídica de la Presidencia de la República, Johana Pesántez shamuchun mañarka.
Kay tantarita pushak, Karina Arteaga kamachiy killkak, ñawpa Mamallakta Pushakkunaman willayta kacharkani nirka, paykunamanta Pedro Aguayo, Rosalía Arteaga, Pedro Peña Triviño, León Febres Cordero yallik Mamallakta Pushakkunallami willayta tikrachishka nishpa willarka.
Shuktak kamachiy killkakkuna
Chaypimi Eliseo Azuero, kamachiy killkak rikurirka, payka mushuk kamachiy killkarikushka willaymanta rimarka, chaymi yallik Mamallakta pushakkuna llankayta tukuchishka punchamanta ishkay watakama kullkita hapichun mañarka. Kipaman pay ña suktachunka watata charikpi kutintak kullkita hapichun mañarka
Tukurichunka, Andrés Mendoza, Colectivo Quinto Poder- Somos Todos tantarimanta shamuk, “Asambleísta por un día” rimanakuypi kak, payka Mamallakta yallik pushakman kullkita mana kuchun, runakunapak 60 waranka shutikunata Mamallaktapi hapina nirka, chaywan hapikushka kullkita chaypilla sakichina, ña mana kuna nirka.
RSA/ea/jc-kichwa
