Kay Seguridad Social kamachiyta, Comisión de los Derechos de los Trabajadores tantari allichishpa katin.
Kamachiyta mushukyachinka pichka watata yapa kullkita hapikushkawan llankaymanta rukuyashka kullkita hapinka, shinami sakirin.
Sapan wata mashna kullkita kawsaykamay wasiman kullkita kushkawan chimpapurashpami yuyakyashka kullkita hapinka, chaytami chunka ishkay killapak rakinka, chaymanta pichka watata yalli kullkita llankashkamanta kachashkatami rikunka, chaymanta sapa killa hapinata churanka.
Tayta Bairon Valle kamachiy killkak, kay rukuyashkakunaka 11.300 llankaypi yuyakyashka runakuna, kuski killa, 2017 watamanta, kapak killa, 2018 watakama mañashkami kan, kay yuyaritaka 254 yupay arinishkawanmi churashka kan, kipaman 100 yupay yuyarimi karka, shinami Aritmético ñanmanta, Geométrico ñanman churashka kan.
Yallik watakunaka pichka watapi yalli kullkita hapishkatami akllak karka, chayka 60 kullki churaymi kan nirka. Kunanpika sukta chunkamantami sapita surkun, washa watakunaka sapan llankaypi rukuyashkamanta 7 % patsakrita, mana kashpaka 8 % patsakrita llakichik karka. Chaymanta 441 dólar kullkita hapik karka, kunanka 411 dólar kullkita hapinka, shinaka 30 dólar kullkita kichushka kan.
RSA/ea/jc-kichwa
