Kay Comisión de Régimen Económico tantari, Daniel Mendoza puchashka kan nirka.
Kay Simplificación y Progresividad kamachiy willayta arinishka, kullkirayku utkakamachiy chanishka kan.
Kay kamachiyta rikuk tantati, kuykunata (12 alli apuchiwan) Mamallakta Tantanakuy, Mamallakta Llakta pushak 12 rikuyta churashkata hapishpa arinichun mañarka.
Chaymanta kallari killkapi 61 nikita allichishkata, rikunka. Kay tukuri nikika ista llaktapi kawsak runakunata yanapak nikimi kan .
Kay mushuk kamachiypika, Servicio Nacional de Aduana (Senae) kamaywasi chapachun kamachiy killkakuna churarka, chakishka kipikunata paskashpa rikuchun mañarka. Mamallakta pushakka chay Comité de Comercio Exterior (Comex) apamuna kipikunata urayachichun mañarka, kay llankayka yalli llashak kanka, tikramuk purik runakuna chayamuchun llakichinka nirka.
Kamachiy killkakkunaka Mamallakta Pushak chay Telecomunicaciones llankayman kullkita churana nishkata anchuchina, punchanta killkanata ashayachinka nirka, ashtawankarin Mamallaktapak saywa llaktakuna, karu kitikunapi, karu uchilla suyukunapi yalli killkana anchurinka nirka.
Kamachiy killkak Daniel Mendoza, tantari pushak, Mamallakta Pushak rikuykunata churashka kay mushuk kamachiyta achkata allichin rimarka, yachakkukuna yachankapa kullkita mañashkamanta, mamakullkita, wawakullkita mana tikrachinata ushashkamanta paykunata yanapanka. Kaya puncha kay kamachiy Mamallakta Tantanakuy ukupi, tutaman atinakushka kanka.
MG/cz/jc-kichwa
