Kay Comisión de Justicia tantari willashkawan, Mamallakta Tantanakuy, chay 640 yupay rimanakuypi Código Orgánico Integral Penal (Coip) kamachiy Mamakamachywan takarin nishpa mananirka..
Kay kamachiyta allichishpa waktashka, tsiknishka, takashka runkunapak kawsay allichirichun yanapanka, huchayukkunataka mana yanapankachu. Shinami Mamallakta mañashkata paktachishkanchik, Función Legislativa llankayta pushak, César Litardo Caicedo hatun kamachik rimarka.
Kamachy killkak, Ximena Peña, tantarita pushak, sukta rimaykunata churachun mañarka, chayka: imashina apuchina, Mamakamachiywan takarik nikikunata anchuchina hawa rimarka, kutintak arinina, Killkakamayukman kachana, kamachiywan rikuk nikita rikuchina hawa arinichun mañarka.
Kallaripika, Mamallakta Tantanakuy chay Corte Constitucional kamaywasi arinishkata hapirka, chayka, chay niki huchuyukta mana supaychan nik, nikita hapin hawa rimarka, kari warmi wawakunata, imillakunata llakichikta huchachishpa supaychanatami arinirkakuna.
Kamachiy killkak, Ximena Peña Pacheco, kay kamachiy tawka runakuna, kamachikkuna yuyayta churashkami killkarishka kan, achik rikuyta kuk runakuna tukuchun, kawsayta charichunmi ñanta rurashka kan, shinami shuwayta harkanka, shuwashkata ama kunkarichun llankanka.
Alli llankaykunata rurachun chay Policía Nacional kamachik awkakunata riksirka; paykunami kari warmi wawakuna, imillakuna takayta, ayllu ukupi makanakuyta harkana hawa yuyarirkakuna. Shinallatak wiwakunata, sachakunata, pachamamata, wiwakunata kamachiywan kamachik, paykunata wakllichikta kamachiywan huchachina, wanachina kanka, Peña rimarka.
MG/cz/jc-kichwa
