Kay Mamallakta Tantanakuy Simplificación y Progresividad Tributaria, utka kullki shutita charin.
Mamallaktaman kullki yaykuchun, llaktakunapi llankay tiyachun, llaktakunapi kullki mirarichun yanapan.
Kipa sayllakunapi Kamachiy Kipuman kilkarichun kachashka kanka, shinami alli kamachiy Mamallaktapi llankay kallarinka.
Kamachiy killkakkunaka Mamallakta Pushak 13 nikita rikushkamanta 11 nikita arinirka, shinami 61 nikita Mamallakta allichishkata arinirka. Kay kamachiyka Mamallaktapi kawsak runakunata ista llaktamanta kipikunata chayachimuchun yanapanka, istamanta chayamuk kipikunata Servicio Nacional de Aduana (Senae) kamaywasimi chapanata charin.
Kamachiy killkakkuna kimsa wankuripi apuchirka. Shinami 11 allichishkamanta (1, 2, 3, 4, 5, 6, 8, 10, 11, 12 13 nikikunata) 95 apuchiwan arinirka, shinami kay mushuk kamachiyka ña arinishka sakirirka;
Kutin, Disposición General Quinta (9 nikita) arininkapa mana chaskishka kanka. Kay nikika Mamallaktapak kunan tiyashka churashka kullkikunata rakichikta, ashtawan allita rakinkapa mushuk ñankunta churanka.
Kay 47 nikiwanka chay Telecomunicaciones llankaymanta kullkita hapishkamanta kutintak Mamallaktaman chay kullkita yaykuchinatami rikuchin. Chaywanka yalli killkakunata ashayachina ñantami rikuchin, kay llankaytaka manyayashka llaktakunapi, Mamallaktapak saywa llaktakunapi churanka; kay 48 nikiwanka ashalla kullkita churanatami anchuchin. Shinallatak kay 54 nikiwanka panka kullkiwan kullkita chayachinatami rikuchin, llakita chawpishpa allichichun yanapanka.
Kay 61 nikiwanka istamanta kipikunata watapi chayachimuchun achkata yanapanka, shinami Ecuador llaktamanta ista llaktapi kawsak runakuna paykunapak kipita, ayllukuna mañashka kipikunata, llankanka hillay kipikunata chayachimunka. Kamachiy killkakkuna Mamallakta rikuchishkata mana uyashpa, paykuna munashkata arinirka.
RSA/cz/jc-kichwa
