Mamallakta Tantanakuypak hatun rimanakuypi achka kamachiy killkakkuna Mamakamachiyta mushuyachichun apuchichirka.
Kattaka Corte Constituciona kamaywasi arinishkapi hapirishpami shinarka, kunanka Consejo de Participación Ciudadana y Control Social (Cpccs) kamaywasipak apuytaka Mamallakta Tantanakuymi hapin.
Chaymanta kunanka Mamallakta Tantanakuyka kamashpa, achiklla rikushpa, yachakta runata akllashpa, kari warmita, alli shunkuyuk, ushak runakunata hatun alli llankachun kamachikkunata churanka, kipaman paykuna imashina llankakta katinka.
Shinami kunanka Mamallakta Tantanakuy chay Procuraduría kamachikta, superintendencias kamachikta, Defensoría del Pueblo kamachikta, Defensoría Pública kamachikta, Fiscalía kamachikta, Contraloría kamachikta, Consejo Nacional Electoral kamachikta, Tribunal Contencioso Electoral kamachikta Consejo de la Judicatura kamachikta churanka,
Chaymanta Elizabeth Cabezas Guerrero, Comisión Ocasional tantarita pushak, Mamakamachiyta mushukyachishpaka, hatun kamachikta akllaykunaka kamaywasi tukunka nirka, Consejo de Participación Ciudadana y Control Social (Cpccs) kamaywasipak llankayka mana alli kashkata rikurka, mana alli runakunata akllashka, paykuna llankachun minkashkata mana paktachishka nirka, chay (Cpccs) kamaywasi mana mutsurin, shinami runakuna ahashka.
Kay mañayka, César Litardo Caicedo, Mamallakta Tantanakuyta pushak churashkami kan, payka Ximena Peña, Elizabeth Cabezas, Wilma Andrade, Eddy Peñafiel, Franco Romero, Fernando Burbano kamachiy killkakkuna churashkatami yanapan, shina Mamallaktapi alli llankaykuna katinka.
RSA/ea/jc-kichwa
