Kay Grupo Parlamentario para el Fenómeno Socioeconómico de las Drogas tantari, chay María Mercedes Cuesta kamachiy killkakwan, muspachik hampita runakuna ama millpuchun harkankapa llankarka.
Shinami, 2020 watapi mashka runakuna kay mapa hampita millpushka kipuy kamuwan, shuk watapi llankashkata riksichinka.
Kunan watakaka kamachiyta, llankayta rikushpa, ista llaktakunawan yachashpa llankarka, chaymi mushuk yuyaykunata hapirka.
Kunan watapak kullakillapi Lenín Moreno, Mamallakta Pushakwan; Ministra del Interior, María Paula Romo kamachikwan, shuktak hatun kamachikkunawan rimanakuyta charirka, paykunawan kay muspachin hampita ama millpuchun harkarka.
Ashtawankarin, Kasia Malinowska, Open Society Global Drug Policy Program pushakwan panchi killapi tantarirka, runakuna ama millpuchun harkashpa llankarka, kipaman imashina chay runakuna, llaktayukkuna, ña mana millpukta rikushun mañarka. Ñawpak kullkita churanata mana munanchik, kunan pachapak kullkita churanatalla munanchik nirka.
Chay pawkar killapi, Grupo kamachikkuna, chay Observatorio Nacional de Drogas en la Asamblea Nacional llankaywan rikurichun yanaparka. Kaytami kamaywasikuna, kamachikkuna, tantarikuna, llaktakuna, ayllullaktakuna imashina paktashkata riksinka. Kutin chay sitwa killapika Perú, Chile, México, Uruguay llaktakunawan kamachiy killkakkunapura rimanakuyta charirka.
Kay Grupo tantariman yaykurishka kamachiy killkakkuna Código Integral Penal kamachiyta, chay cannabis hampi hawa, chaymanta mirarik hampikuna hawa llankarka, chay hampikunawan hampirishpa ama llakita charina hawa rimarka. Shinallatak Prevención Integral del Fenómeno Socioeconómico de las Drogas kamachiyta arinichirka.
LILA/cz/jc- kichwa
