Kay 71 kamachiy killkakkuna yanapashka, kapak killa, 30 punchapi Mamallakta Tantanakuypak 647 rimankuy pusharirka.
Chaypimi Simplificación y Progresividad Tributaria kamachiyta arinirka, chay kamachiyka kullki mirarichun utka arinina kamachiymi karka.
Chay José Serrano kamachiy killkakpak rimayta hapishpa, 61 apuchiwan Prosecretario General Temporal kamachik, Simplificación y Progresividad Tributaria kamachiyta kamachiy kipuman kacharka, chay kamachiy kipumi killkashpa llaktakunaman riksichinka.
Chaypillatak Mamallakta Pushak kay allichishka IX sobre la Disposición General Quinta hawa rimashpa kutintak arinirka, chaytami Mamallakta Tantanakuy arinirka, chaytaka kunanpi tiyak kamachiykuna rikuchishkata hapishpa shinarka.
Kay Serrano kamachiy killkak, chay Simplificación Tributaria kamachiywan ñukanchik Mamallaktapi yuyashpami llankana kanchik nirka, shinami arinishpa Mamallakta pushakwan, Mamallakta Tantanakuywan makita kushpa llaktakunaman llankanarayku arininchik nirka.
Kay kamachiyka 2020 watapi Mamallakta 585 hunu kullkita hapichun yanapan rimarka, chay kullki llankakwasikuna kachashka (0.1% patsakrimanta, 0.2% patsarikama ) kachashkami kanka nirka.
Shinallatak 42,11 hunu kullkita kay 2020 watapi hapina nishka rakin, chay kullkiwan tarpuyta, uchilla llankakwasita, allpa tuñirikpi llakirishka runakunata, llaktakunata yanapanka nirka. Ñapash yanapaytaka 9.000 yachakukunami hapin, shinami paykunaka yachankapa mañashka kullkita mana tikrachishkamanta wawakullkita, wanachishka kullkita, yapa wawakullkita mana tikrachinka nirka.
MG/cz/jc-kichwa
