Kay Comisión de Fiscalización, 2020 watapi chay Consejo Nacional Electoral (CNE), Diana Atamaint kamachikta llaktay wanachita ruranka katinka.
Chaymanta paypak llankaypi pantarishkamanta wanachishka kanka, kay wanachiyta Jeannine Cruz, Fernando Flores kamachiy killkakkuna churashkami kan.
Kay wanachiy hawa, Comisión, Eliseo Azuero, wanachik pankata allita rikuna kanchik, chaymanta ima punchakuna huchachikta, chuchachishkakunata, llaktayta rurashpa llankakkunata, CNE kamaywasipi awllikkunata, shuktak kamachikkunata kayanata rikuna kanka, chaypi imashina willakta uyana kanchahik nirka.
Paymanta, César Solórzano tantari kipapushak, huchachishkakuna, huchachikkuna imashina willakta riksishpa shuk ñanta hapina nirka. Shinallatak Sebastián Palacios kamachiy killkak, paypak tantari willaykuna achiklla kachun, Atamaint willakta shuya kan, chaymanta wanachina, mana wanachinata rikuna kan nirka.
Tayta, René Yandún, kamachiy killkak, CNE kamachik akllarikkunapak kiputa mana mushukyachishka, chaymanta runakunapak shuti mana achiklla rikurin, mashna apukta rikunkapa mana usharin nirka. Kipaman kipupi pantaykuna, llullakuna rikunka, chaypi allita akllarichun mana achiklla kanka, llakita apamunka nirka. Chaymanta kunan allichina kanchik nishpa riksichirka.
SV/ea/jc-kichwa
