Kullki wasipi kullkita charikkunapak hayñita ama llakichinkapa, chay Sistema Financiero Nacional kamaywasiman yaykurishka kamaywasikuna ama llakichichun, César Litardo Caicedo, Mamallakta Tantanakuyta pushak, Reformatoria a diversas leyes kamachiyta kallari atinakuyta charinkapa kamachiy killkakkunata kayan.
Chay tantaritaka mincha kulka puncha, 09:20 sayllata atinakuy kallarinka, chaypi yuyaykunata churanka.
Mushuk kamachiytaka Comisión de Régimen Económico tantaripimi llankashka kan, kay kamachiyka Sistema Financiero Nacional kamaywasita, Sector Financiero Popular y Solidario kamaywasikunapak llankayta sinchiyachinka. Kay kamaywasipi llankakunapak hayñitami ukllanka, shinallatak shukpaklla, tukuylla kullki kamaywasikuna runakunata llakichichun harkanka.
Kay kamachiyka 46 nikitami charin, mana ruranakunata rurakpi kamay wanachitami chayachin; mayhanmi Defensor del Cliente kashkata riksichin, chikan chikan Defensor al Cliente hillaykunapimi imanikta kimirichin.
Kay kamachiyta llankak tantari 60 tukuylla, shukpaklla llankakwan, 42 sapsita llankakwan kullki wasikuna runakunata ama llakichichun harkanka, mitachikunaman mana kushka kullkikunata tikrachichun, paykuna mana riksishka kullkita willachun kay kamachiyka yanapanka.
JLVN/cz/jc-kichwa
