Kay Comisión de Biodiversidad tantari, chay Reformatoria a la Ley Orgánica del Régimen Especial de la provincia de Galápagos kamachiyta ishkaykutin atinakunkapa tukuri ñanpi charin.
Chaypak, alli llankay llukshichun kayna chilla tutamanta tantarirka, chaypimi mushuk yuyaykunata churarka.
Chaypak kamachiy killkakkuna, César Rohón kamachiy killkakta chaskirka, paymi imashina chay kamachiyta killkana hawa yachachirka. Wakaychishka mamakuchata 64.360 waranka tupumanta, 128.720 tupuman mirachinaman yuyayta kurka, Galápagos llaktapak llakika kamachiywan mana arinishka llankaywan chalwashkami kan.
Tantarika shuk yachakkunawan yanaparishpa sumakruraywan allita rikuna karka, chaywan mamakuchata mashna tupukama mirarichinata ushanka. Kay yuyayta hapsihpa Juan Cárdenas kamachiy killkak, chay Armada del Ecuador kamachikkuna Galápagos kamachiyta atinakuyman yaykurina kan nirka, paykunami wayta llaktata allita riksin nirka.
Minkashka kamachiy killkakkuna nikikunata katishpa rikurka, kayta tukuchishka kipa, manarak killkayta tukuchishpa kamachiywan llankanata charik runakunawan, kamaywasikunawan rimanakuyta charinka, shina alli kamachiy killkarinka.
Kay killa, 14, 15, 16 punchakuna chay El Oro markapak, Zaruma, Santa Rosa llaktakunapi llankana tatkikunata allichirka, chay punchakuna chay llaktapi kawsak runakunawan llakikunata riksinkapa rimanakuyta charinka. Shina llakikunata allichinka.
CZ/ea/jc-kichwa
