Kay chilla puncha Cultura, Raúl Pérez Torres yallik kamachikta llaktay wanachiyta ruranka

Martes, 14 de enero del 2020 - 11:11 Imprimir Elaborado por: Sala de prensa

Minkashka rimankuypi Raúl Pérez Torres, Cultura y Patrimonio yallik kamachikta llaktay wanachiyta ruranka, kay Comisión de Fiscalización 9 apuchiwan arinirka.

Kay wanachiyta Juan Cristóbal Lloret, Lira Villalba kamachiy killkakkuna churarka, chayta hapishpa Mamallakta Tantanakuy hunta tantari wanachinka.

Wanachikkunaka Cultura kamachiyta, paypak Uchilla kamachiyta pakishka nishpami huchachin.

Chaymanta Casa de la Cultura Ecuatoriana Benjamín Carrión mama wasipak, markakunapak wasipak kullkita mana alli rakishpa pantarishkatami huchachin, 50 % patsakri kullkimi Quito llakta mama wasipilla sakirin nishpa huchachin.

Kay Función Legislativa kamachiypak 84 nikita hapishpa wanachishka kamachikka, Mamallakta Tantanakuypak ñawpakpi paypak hayñiwan mitsarinata ushan, shinami kimsa sayllata rimashpa payta huchachishkata washaman sakichinka, kipama huchachikkuna ishkay sayllata rimashpa huchachishpa ñawpakman katinka, kutintak huchachishka shuk sayllata rimashpa mitsarinka.

Huchachishka kamachik, rimayta tukuchishpa Mamallakta Tantanakuypak ukumanta anchurinka, kipaman kamachiy killkakkuna atinakuyta kallarinka, chaypi kamachiy killkakkuna imamanta wanachishkata willanka, chunka sayllata rimanka, katipi wanachishpa kachanka, mana kashpaka wanachishka pankata wakaychinka.

Wanachishpa kachankapa imashinami Mamakamachiypak 131 nikita paktachishpa, kamachiy killkakkunapak chawpimanta shuk yalli apuchi mutsurin. Kutin kari warmi Hatun Kamachikta, Función Electoral kamachikta, Consejo de la Judicatura kamachikkunata wanachinkapa mana shina kanka, Kamachiypak 84 nikita katishpa ishkay kimsapi rakishka apuchi mutsurin.

EG/cz/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador