Shinami chay Tribunal Contencioso Electoral pushak, Arturo Cabrera, Defensor Público, Ángel Torres kamachik, Mamallakta Tantanakuypi paykuna llankashka willayta rikuchirka.
Shinami Función Legislativa kamachiypak 47 nikita paktachishpa paykuna kayna watapi llankashkata riksichirka.
Tukuylla awllikkunaka llankaykunata achiklla rikuchichun kayashkami kanchik nirka, shinami Defensor Público kamachik willayta kallarirka, 2019 watapi Defensoría kamaywasi 278 349 mañaykunata chaskirka, shina runakunaman, llaktayukunaman yanapayta kurka nishpa riksichirka.
Kay Defensoría kamaywasi mushuk kamachiyta mutsun nirka, kuski killa, 2019 watapi chay Defensoría Pública kamachiyta allichinkapa Mamallakta Tantanakuyman chayachirka, chaytaka Comisión de Justicia pushakun nishpa willarka.
Kay Tribunal Contencioso kamaywasimanta
Paymanta, Arturo Cabrera, Tribunal Contencioso Electorala kamaywasita pushak, 2019 watapika, wanaykunata chaypilla sakichun llaktay tantarikunapak mañaykunata chaskishkata willarka, akllaykuna pantarishka willaykunata anchuchichun, pichachun mañashkata willarka.
Kayna wata Tribunal kamaywasimana 965 wanay katikuykuna yaykurirka, chaymanta 659 akllaypi kullkikuna tukurishkata riksichirka. Chay llakikunamanta kamaywasi 901 llakita allichirka, chayka 93.4 % patsakri nishanin nirka, shinapash kapak killapi 64 katikuykuna yaykurirka nishpa willarka. Shinami: Manabí markapi, 21 % patsakri; Cotopaxi markapi, 16 % patsakri; Los Ríos, Guayas markakunapi, 12 % patsakri llakikuna rikurishpa willarka.
SV/cz/jc-kichwa
