Kayna chishi Comisión de Soberanía, Integración, Relaciones Internacionales y Seguridad Integral ukupi, chay José Valencia, Ministro de Relaciones Exteriores y Movilidad Humana kamachikta chaskirka.
Payka imamanta Francisco Carrión Mena, Embajador de Ecuador en Washington kamachik llukshishkata riksichirka, chaytami kamachikkuna riksirka.
Kay hunkapi, chay Canciller Valencia, ista kamachikta kuyuchinaka Mamallakta Pushakpak makipimi kan, shinami Mamakamachiypak 147 niki, 10 yupaypi riman nirka, mushuk ista kamachikta shutichinkapa Mamallakta Pushakpak yachachishkata kulla killa, 06 puncha chaskirkani nirka. Chay chishillatak Embajador Carrión kamachik anchurirka, shinami Valencia rimarka.
Shinallatak Carrión kamachikka, kamachiy tawaka Mamallaktapak awkita urmachin nirka. Chay tiyashkata karumanta rikuk hillayka Ecuador llaktapak kamachiypi tiyan nirka, chayka Mamallaktapak awkita mana llakichinchu, chaymanta Ecuador llaktawan, Estados Unidos llakatawan shuwaykunata harkankapa makita kushpa llankan nirka.
México llaktapi kak kamachiy killkakunamanta
Pay, Canciller José Valencia kamachik rimashpa, chay México llaktapi kawsakuk Gabriela Rivadeneira, Soledad Buendía, Carlos Viteri kamachiy killkakkuna riksichirka, paykuna México llaktapak hatun kamachikkuna chaskishka kashka nirka, paykunaka hatun istapankata mana chaskirkachun, tukuy purina istapankawami kirka, sapan kamachiy killkakkunami kusawarmi, churikunantin nirka, nishpa willarka.
EA-JLVN/cz/jc-kichwa
