Kamachik César Litardo Caicedo, Mamallakta Tantanakuyta pushak, 652 rimanakuyman kamachiy killkakkunata kaya puncha kayarka.
Chaymanta 15:30 sayllata kallarinka, chaypimi imashina kay Código de la Democracia kamachiy allichishpa katikushkata riksinka.
Imamanta
Kay 492 yupay rimanakuyta katishpa, 2019 wata, kapak killa, 03 puncha, chay Reformatoria a la Ley Electoral y de Organizaciones Políticas, Código de la Democracia kamachiyta Mamallakta Tantanakuy arinirka, chayta kunan rikunka.
Mamakamachiypak 137 nikiwan, Función Legislativa Hatun Kamachiypak 63 nikiwan kimirishka kakpi, kapak killa, 05 puncha Mamallakta Pushak rikuchun kacharka. Katipika kulla killa, 03 puncha, 2020 watapi chawpita allichishpa, 18 rikuykunawan tikrachirka.
Kay 2020 wata, kulla killa, 08 puncha, 15 puncha rimanakuypi, chay Comisión de Justicia tantari kamachiyta rikushkakunata chaparka, paykuna Mamallakta Tantanakuyman rikushka 10 nikikuna arinishkata kacharka, pusak nikita arinichun kacharka.
Paktana
Kay kamachiyta hatunpi rikushpaka kari warmi chaypi kachun yanapan; kari warmi pakta runakuna chaypi kachun yanapan; akllaypi ama yapa kullkita tukuchichun harkashpa yanapanka; llaktayta willaykunapi ama yanka kullkita shitanata harkanka; D’Hont apuchina ñanta, Webster apuchina ñanwan rantinchinata rikunka, chay ñankunawan pakta pakta kamachikkuna llankaypi tiyarichun yanapanka.
MG/cz/jc-kichwa
