Kay Ecuador Mamallakta wayru killa, 2019 shayarishkamanta Comisión Interamericana de Derechos Humanos (CIDH) killkashpa kachashkata Grupo de Derechos Humanos rikun.
Chaymanta yallik Defensor del Pueblo, Ramiro Rivadeneira kamachikta, Patricio Benalcázar, Runa Hayñi yachakta chaskirka.
Awllik CIDH kachashka willayta ishkay hatun yuyaypi tiksirirka, kay Decreto 883 churashka kamachiyta churanka runakunata mana tarpurka, mana achiklla karka, churashka kamachiyta killkakukpi runakuna mana chaypi karka.
Chay churashka kamachiyka Mamallakta wiñarichun mana yanapan, chayta rikuna karka. Ishkaynikipika chapak awkakuna, ayñikunawan runata waktana mana waktanata rikuna karka, chay illarka nishpa willarka.
Chay CIDH mañashkata, kunan rikushka llakikuna chaskishpa, chay llakirishka runakaunata, aylllukunata utkashpa allichichun mañarka, ñapash mañashkata tikrachichun kayarka, Mamallakta shayari puncha kari warmi takarishkamanta, chukririshkamanta, katunakuna pakirishkamanta, paykunata yanapachun mañarka, wañuchik, tukyachik runakunata, takak chapakkunata, wañuchik awkakunata wanachichun mañarka.
Atinakuy
Kayashkuna rimashka kipa, minkashkata pushakkuna, kamachiy killkakkuna rimarka, Tikrachichun mañashka, chay Doris Soliz, Grupo Parlamentario pushak, chay Defensoría kamaywasiwan, llakirishka ayllukunawan tantarishpa chay Comisión Ocasional Multipartidista tantari taripashkata katishun, chay CIDH kamaywasi mañashkata Mamallakta paktachichun mañashun, paykunaka rimarka.
SV/cz/jc-kichwa
