Kay Grupo Parlamentario por el Bienestar Animal pushak, Washington Paredes, kay Sanidad Agropecuaria (Losa) kamachiyta mushukyachina paktakun nishpa willarka. Shuktak willayka Ecuador llaktapi Delfín chalwata hapina kishpiyrishka kachun mañarka.
Kay rimanakuyta charinkapa Cristina Alarcón, Movimiento Animalista Nacional (MAN); Patricio López yachakwan rimanakuyta charirka.
Shinallatak Fundación Vida Animal, Verónica Ailón pushakwan rimanakuyta charirka, paymi wiwakunamanta achkata llakirirka.
Kamachiyta mushukyachinamanta Paredes kamachiy killkak rimarka, payka tukuy mikuna wiwakunata, charina kuskamanta, wañuchina wasimana pushamushpaka kamashpa, mana waktashpalla apamuna kan nirka. Chichu wakrataka mana pushamunachu kanka, wiwawañuchina ukuman chayak wakrakunaka wañuchishkami kan, nirka.
Chay wiwakunaka unkushka kakta, mana unkushka kakta rikushkami kanka, wiwakunata wañuchinkapa pushamushpaka mana waktanachu, waktakpika aychami chukririn, chayka mikunkapa mana allichu kan, rimarka. Wiwakunata wañuchik runaka, aychamanta achkatami riksina kan, Paredes rimarka.
Paymanta, Cristina Alarcón, MAN tantarimanta, Grupo Parlamentario de Bienestar Animal tantariwan, Ecuador llakta chalwakunata ama wichkashpa charinachu mañarka, shinallatak Tatiana Rivadeneira Cabezas, Fundación Victoria Animal tantariman yaykurishka, payka wiwakunata kamashpami kawsan, paypash wiwakunata ama watashpa charichu nirka.
RSA/ea/jc-kichwa
