Kay Comisión de Desarrollo Económico tantari, chay Silvia Salgado kamachiy killkakta chaskirka, paymi Turismo Comunitario kamachiyta churarka.
Kay kamachiyka riksina llankaytami nikinka, purichinaka, wiñachinka, chaypak ayllullaktakuna, llaktakuna, yanallaktakuna, yunkallaktakuna makita kushpa llankanka, rimarka.
Kay sapsi llankayta pushankapa runakuna, ayllukuna tantarinka, kikinpak kawsayta rikuchinka, paypak mashikunaman llankayta wiñachinka. Kay riksina llankaytaka tukuy runakuna, ayllukuna allikawsayta charichunmi mashkan. Ayllullaktakuna paykunapak iñinata, chanita, hayñiwan llankayta, tantarishpa llankayta rikuchinka. Shina ñawpakman llankashpa katinka.
Kamachiy killkak Salgado pay killkashka kamachiyta rikushka kipa, kamachiy killkakkunaka kay riksina llankaykuna unipak kachun mañarka, chirikunukta unipak sachakuna, yaku, tamya, puyu, wiwakuna, illapa, kucha charirayachun nirka. Kay chanikuna, tiyakkuna hawa charik kuskakunata kamachun, ukllachun mañarka.
Kamachiy killkakkunapak yuyayka chay llaktapi riksina llankayta pushakkuna kullkiwan yanapachun mañarka. Riksina sapsi llankaykunawanka runakunata wakchayaymanta surkuna hillaymi kanka nirka. Shuktak kamachiy killkakkunaka kunankama mana riksina llankayta rurana shuklla yuyay mana tiyan nirka, kaypi chaypi riksina llankaykuna tiyan, chaymi riksina kuskakunata mana sinchiyachin, rimarka.
SV/cz/jc-kichwa
