Llaktayukkuna Turismo kamachiy allichirichun yuyaykunata churarka

Lunes, 10 de febrero del 2020 - 10:25 Imprimir Elaborado por: Sala de prensa

Chay Loja markapak Municipio de Vilcabamba wasiman, Comisión de Desarrollo Económico tantari, César Litardo, Mamallakta Tantanakuyta pushak chayarka.

Chaypi Turismo kamachiyta rimanakurka. Chaypillatak Emprendimiento kamachiyta llaktayukkunaman, runakunaman, kamachikkunaman riksichirka.

Chay rimanakuypi Jackson Torres, ministro subrogante de la Producción kamachik; Mariano Proaño, viceministro de Turismo kamachik; chikan chikan riksina llankaywan, mushuk llankaykunaman kimirishka runakunapash chaypi karka.

Mamallakta Tantanakuyta pushak, César Litardo kamachik, Mamallakta Tantanakuy kamachiykunata runakunapak yuyaywan killkayka may allimi kan, rimarka. Chay Vilcabamba kitika riksinkapa unancha llaktami, chaymantami llaktapi kawsak runakunata yanapana may alli kan, nirka.

Shinallatak Esteban Albornoz kamachiy killkak, Homero Castanier kamachiy killkak, Comisión de Desarrollo Económico tantarita pushakkunami runakunapak mushuk mañayta chaskirka, shinami chay llaktapi kawsak runakuna kushilla sakirirka.

Shinallatak Loja, Zamora llaktakunamanta Paola Ruiz, Colegio Profesional de Turismo y Ecoturismo shutipi rimarka, paykuna chay Consejo Consultivo tantaripi riksinamanta yachakkuna mana yaykurin nirka, pakllaman ñawi tikrana may mutsurikmi kan nirka, "chaypimi riksinaka illu kan nirka".

RB/cz/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador