Mamallakta Tantanakuy Antisuyumanta Turismo kamachiyta killkan

Miércoles, 12 de febrero del 2020 - 11:33 Imprimir Elaborado por: Sala de prensa

Chay Napo markami Mamallakta Tantanakuy chayashka kimsa marka karka, chaypmi César Litardo Mamallkata Tantanakuyta pushak karka.

Kayna 11 puncha tutamantamanta Tena llakta llankay kallarirka, chaypimi Comisión de Desarrollo Económico tantari, Emprendimiento kamachiyta tantarikunaman, llaktakunaman, kamaywasiman Turismo kamachiyta riksichirka.

Chay rimanakuypi, César Litardo, imashina kamachiyta llaktakuna, runakuna yuyay churashkawan kamachiyta killkanchik nishpa riksichirka.

Shinami kay Turismo Kamachiy kullki wiñarichun yanapanka nirka. Ñukapak arinishka, kikinkuna churashka yuyaykuna kamachiy killkrichun, ama wañushka killka kachun arinini, Mamallakta Tantanakuy pushak rimarka.

Kay César Solórzano, Mamallakta Tantanakuyta Kipapushakwan, Gabriela Cerda kamachiy killkakwan, chay tantarita pusharka, “chay Napo markamanta tantarikuna, kamachikkuna, riksina llankayta pushak tantarikuna chaypi kachun” kayarka, paykuna mushuk yuyaykunata churachun shuyarka.

Kay Tantarita pushak, Esteban Albornoz, chay Cámara de Turismo tantariwan, Federación Plurinacional de Turismo Comunitario tantariwan, Mesa de Turismo de Napo tantariwan, yachakkunawan, chay llaktapak kamachikkunawan, mushuk llankayta wiñachikkunawan rimanakuyta pusharka.

Chay Tena llaktamanta tikramushpa, Mamallakta Tantanakuyta pushak, Antisuyupak willana hillaykunapi César Litardo rimarka, chaypi Turismo kamachiyta riksichirka, shinallatak llankayta rikuy katikushkata, llaktayukkunata kamakushkata willarka. Yalli awkakuna, chapakkuna mirarichun mana munanchik, ishkantin manyamanta tantarishpa llankashun, chay munami nirka.

XG/cz/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador