Mamallakta Tantanakuyta pushak, César Litardo Caicedo, kamachiy killkakkunata kayarka, kulka, 20 puncha, 10:00 sayllata rimanakuyta charinkapa kayarka.
Chay rinankuyka 590 yupay tantaripi katikushkawan katinka. Hatun yuyayka kay Aviación Civil kamachiyta atinakushpa katina yuyaymi kan.
Kay Comisión de Desarrollo Económico tantari Mamallaktapi antankakuna, mana nikishpa pawakkunata allichinkapami llankan.
Shinami punchanta pawanata, chárter pawayta allichinata rimarka, kunanpi antanka pawaykunaka.
Chaypimi Mamallakta antankapi purikkunapak llakita allichina ñanta mashkankapa rikunata charin. Tawkakutinmi purikkunata mana pushashka, wakinpika antanka pampapi sakichishka.
Kay Kamachiyta rimanakushpaka chárter pawayta alli ñanpi churana, pawana sayllakunata rikuna, mana nikishka pawaykunami achkata mirarikun, purikkunata mana ukllashpa llakichishpa sakin, chayta allichinkapami uchilla kamachiykunata kutsikyachun allichina kanka.
Kay kamachiytaka Minkashkapak rimanakuy ukupi achkata atinakurka, chaypimi Mamallaktapak kamaywasikuna, shukpaklla kamaywasikuna, llaktayukkuna, runakuna, kamachikkuna paykunapak mushuk yuyaykunata churarka.
SV/ea/jc-kichwa
