Kay Para la Planificación Integral de la Circunscripción Territorial Especial Amazónica kamachiyka, 21 puncha, aymuray killa, 2018 watapi llankay kallarirka, shinapash manarak uchilla kamachiy tiyanchu.
Kamachiy killkakkuna Amazónica kamachiypak uchilla kamachiy tiyachun Lenín Moreno Garcés, Mamallakta Pushakta mañan.
Antisuyupak Gobiernos Autónomos Descentralizados (GAD) kamaywasiman kullkita mana chayachirka.
Ashtawan riksinkapa: Secretaria técnica Amazonía kamachikta, Consejo de Planificación de la Circunscripción Territorial Especial Amazónica kamachikta, Secretaria Nacional de Ciencia, Tecnologia e Innovacion kamachikta kayarka, paykuna rikuykunata churarka, kipaman, kay kamachiyta allichishpa Kamachiy Kipuman kachanka.
Kamachiy killkakkunaka chay uchilla kamachiy may mutsurikmi kan nirka, chay uchilla kamachiywan hatun llankayñankunata rurachun achkata yanapanka, rimarka, llaktakunata alli llankayta ruranka kuskakunata nikina, pachamamata ama wakllichichun harkana, uchilla kamachiy yanapanka nirka.
Kamachiy killkak, Gabriela Cerda, uchilla kamachiyka chay Matriz Productiva de la Amazonía llankay achiklla kachun ñanta kunka nirka, chaymanta kay uchilla kamachiyta killkachun, arinichun mana shuyana nirka.
Kay uchilla kamachiywan kikin hampikunata riksinkapa, llaktakunapi tiyak llankaykunata hatunyachinkapa yapa yanapanka nirka. Chaymanta llaktakunawan kimirik nikikunata, yupaykunata, pakmakunata churana, shina Antisuyu llaktapi kawsak runakunata achkata yanapanka, rimarka.
RSA/ea/jc-kichwa
