Kay Comisión de Derechos Colectivos tantariman Quito kitipak Barrio Mirador ayllullaktamanta shamurka.
Paykunaka kay “Regula tu barrio” del Distrito Metropolitano de Quito llankaypi kanchik nirka, shuktak llaktamanta shamushpa allpata kichusha munan nishpa willarka.
Shinami José Jácome, Comité Mirador Simón Bolívar tantaripak shutipi rimarka, atinakurka, yuyarirka.
Chay ayllullaktapi kawsak runakunamanta puncha, tuta hamikunata, kaparikunata chaskinchik nishpa willarka, kasilla, sumaklla kawsanata mana ushanchik nirka, chapak kamachikta mana charinchik, ancha llakita charinchik nishpa willarka.
Chay Jácome pushak, kamachiy killkakkuna Municipio de Quito kamachik, chay llaki siririchun chapakkunata kachachun, chay Distrito Metropolitano de Quito kunakkuna chay ayllullaktata nikichun mañarka, shina ama atinakuy, kaminakuy katichun, kamachikpak makipimi llakita churanchik ñakarirka.
Kamachiy killkakkuna Comité del Barrio Mirador ayllullakta rimashkata uyashpa chay llakita riksinkapa, katinkapa sakirirka, chay Municipio ukupi tiyarishpa paykunapak llakita riksichichun mañarka.
Shinami Juan Cristóbal Lloret kamachiy killkak, piti allpakunata kamachiywan rikisinkapa, pankakunata churashpa katichun mañarka, Mamallaktapak chapak kamachik chay ayllullakta kamachun, llaktayukkuna ama llakirichun rikuyta mañachichun rimarka.
Kamachiy killkak Tito Puarchir, paykunami ñukanchikta akllarka, chaymanta Mamallakta Tantanakuy makita kushpa chay llakita allichichun mañarka, ashtawankarin Comisión de Derechos Colectivos tantari chay runakunapak mañayta, wanayta uyana kan nirka, shina kipaman chay llakita allichichun mañarka.
JLVN/cz/jc-kichwa
