Rimanakushpa, tukuykuna yuyarishpa 21 kamachiyta 2019 watapi arinirka

Miércoles, 26 de febrero del 2020 - 15:41 Imprimir Elaborado por: Sala de prensa

Mamallakta Tantanakuyta pushak César Litardo Caicedo, 2019 watapi llankashkata llaktakunaman, istakamachikman, tantarikunaman pay llankashkata riksichirka.

Chay llaktakunata yanapak alli kamachiyta killkarkanchik, arinirkanchik, Mamallaktapak llankaykunata katirkanchik, kamaykunatapash alli rurarkanchik, shinami Mamallakta wiñarichun yanapanchik nirka.

Shinallatak paypak llankaymanta willashpaka chusku hatun llankaykunamantami willarka.

Chayka: llaktayta alli rikuchina, alli katikillata mirachina, Mamallaktapak alli llankayta katikuyta sinchiyachina, kamaykunatapash alli ruranata sinchiyachina nishpa tukuy llaktakunaman, kamachiy killkakkunaman, kamachikkunaman willarka.

Shuktak manyamanta rimashpaka, Mamallakta Tantanakuyman riksinkapa shamushpa, Mamallakta Tantanakuy llaktakunaman rishpa, Yachakukkuna Tantarishkamanta, Mamallakta Tantanakuypi yachachishka, Hatun Yachanawasipi yachakukkunawan kimirishpa, shuktak tantarikunawan rimashkata, shina kamachiyta killkashkata willarka.

Kay 2020 watapak, chay Parlamento Abierto llankayta tankana, kamaywasita mushuk yachachina, Mamallaktapak Tantanakuyta allichina, mushukyachina kachun rimarka. Chaymanta rimashpaka, chay Cumbre de Presidentes de los Parlamentos de América rimanakuy, kay pawkar killa, Quito llaktapi pusharinamantami rimarka.

Kay 2019 watapi llankashka ukupi, Mamallakta Tantanakuy Cámara de Comercio Ecuatoriano-China llankaywasiwan shuk yuyarita killkashkata rimarka, paykunawan makita kushpa Mamallaktapak alli kachun llankanatami willarka, chay ruraykunaka chikan chikan kuskakunapimi pusharinka nirka.

SV/cz/jc-kichwa

Av. 6 de Diciembre y Piedrahita · Teléfono: (593)2399 - 1000 | Quito · Ecuador