Chay Seguridad Social kamachiyta allichinkapa mushuk yuyaykuna tiyan, chaytami Comisión de los Derechos de los Trabajadores tantari rimanakukun.
Kay Washington Paredes kamachiy killkak kay mushuk yuyayta churarka, paymi Galápagos llakta llankakkunapak mushuk llankaykullkita rikuna nirka.
Tayta kamachiy killkakka, Galápagos saywashka llaktapi tukuylla, shukpaklla mitachikunaman, llankakkunaman mashna kullkita mirachinata rikukun.
Kay Ecuador Continental llakatakunapi mashnata hapikushkata rikushpami churanka, kayta rikushpami Seguro Social kullkita kunata charin.
Kay Paredes kamachiy killkakka, chay Galápagos llaktapi llankakkuna, mitachikuna, kay allpa llaktapi llankakkuna killapi kullkita hapishkata rikushpaka, sapan runami patarishka mashnaytami hapin nirka. Chaytami tukuy pay kawsaykama hapinka.
Shinami Galápagos llaktapi llankaypi rukuyashka runakunaka chay Régimen Especial ukupi imashina kullki churashka rikushpami hapinata charin nirka. Mikukkuna 80% patsakrita hapishka, chayka Índice de Precios al Consumidor chanita hapinata mashnashpa rikuchishkawanmi chimpapurana, rimarka.
Ña tukuchinkapa rimashpaka, llankaykullkita hapinaka paktapakta, sapan runa hapinka, mashna tantarishka hapinatami rikunata, mashna kullki tiyashkata rikunata charin rimarka. Mashna kullkita sapan killa wakaychishkatapsh rikunatami charin, rimarka. Kamak wasiman kimirishka runakuna mashna kullkita mañashkata, mashna kullki llankaymanta yaykurishkata, kullkita mañashpa sapan killa mashnata tikrachishkata rikunami kan, nirka.
RSA/ea/jc-kichwa
