Kay Comité por la Institucionalización Democrática runakunapak 113.116 shutita pusak iskankapi apamukpi Mamallakta Tantanakuyman pay CNE kamaywasiman chayachin.
Chaywan Consejo de Participación Ciudadana y Control Social kamaywasita anchuchichun mañan, Mamallakta Tantanakuyta ishkaypi rakichun mañan.
Shinallatak Fiscalía kamaywasi kikinlla llankachun mañan, shinami paykuna atirayan.
Chaymanta kunan tutamanta Mamallakta Tantanakuypak Killkakamayuk Consejo Nacional Electoral (CNE) kamaywasipak makipi shutiyuk pankakunata churarka.
Kay Santiago Vallejo, CNE kamaywasipak hatun killkak pankakunata chaskirka, shuk pankata killkashka kipa chay ñan Dirección Nacional de Organizaciones Políticas kamaywasiman kachashun, rimarka. Kay ukumi imashina shutikuna killkarishkata rikunka, kipaman Secretaría General ukuman kachanka. Chay washa Pleno de Consejo tantariman kachanka, paykunani shutikuna killkashka alli kan, mana alli kan nishpa willanka.
Kay Código de la Democracia kamachiy rimakta hapishpa, Mamallakta Tantanakuyman willayta kachashun, Vallejo kamachik rimarka. Chay shutikluna mana alli kakpika Comité por la Institucionalización Democrática kamaywasi, kutintak runakunapak shutikunata hapinkapa 90 punchata charin nirka.
SV/cz/jc-kichwa
