Kunan, 18 puncha 10:00 sayllata, Comisión de Educación tantari 031 rimankuyta charirka, kay rimanakuytaka Jimmy Candell kamachiy killkak, karumanta pusharka.
Chaypimi Cultura y Educación, CES y Senescyt kamachikkuna karka, chaypimi Covid-19 unkuy hawa willayta kamachiy killkakkuna chaskirka.
Kallaripika, Juan Fernando Velasco, ministro de Cultura kamachik, 95 % patsakri awllikkunami karumanta llankana hawa hapirka nishpa riksichirka, hatun llaki hawa uyashpami awllikkunapash karumanta llankanata hapirkakuna nishpa willarka.
Kay “Desde Mi Casa”, llankayta mirachishun, kaytami Ecuador TV hillaypi riksichishun nirka, chaypimi makirurakkuna, shuyukkuna, takikkuna, pukllakkuna, arawikkuna llaktayukkunaman riksichinka.
Shinami runakunamanta kullkita tantanka nirka, chay llankaypak Tukuylla Kullkiwasi yanapanka nirka. Shinallatak ñawpa tiyak wasikunata, ñawpa charishkata wakaychishka kuskakunaman, wasikuman yachana hawapash riksichirka.
Kay, Monserrat Creamer, ministra de Educación kamachik, chay Emergencia Educativo Covid-19 llankayta ña churashkanchik nirka, chayka may alli sumakruraymi kan, chaywan yachachikkunawan, yachakukkunawan, kamachikkunawan, taytamamakunawan kimirishpa willanata, yachanata ushanchik nirka.
Kay hillaymi yachaykuna mirarichun, ruraykunata hatunyachichun achkata yanapan, mana hamutashka ruraykunatapash achikyachin nirka, shinapsh ruraykunaka mana chanishka kankachu, yachakukkuna ruraykunata unanchachun, wasimanta llukshishpa hillaypi killkachichun, hillaykunata rantichun, yachachikkuna mana mañankachu nishpa willarka.
Shinallatak Catalina Vélez, Aldo Maino, Consejo de Educación Superior (CES) kamachik, Secretaría de Educación Superior, Ciencia, Tecnología e Innovación (Senescyt) kamachik, kamay llankaykunaka sakishka kan, shinapash awllikkunaka sistema de teletrabajo ñanwan karumantami llankashpa katikun nishypa willarka. Paykunaka karumanta rikushka, chapashkami llankankuna nirka.
Kay Comisión de Educación tantaripak rimanakuyka chusku sayllatami uniyarka, shamuk Chaska, 20 punchami kutintak rimanakuywan katinka, 09:00 sayllata kallarinka, chaypimi Educación Superior Kamachiyta ishkaykutin atinakuyman yaykurichun allichinkapa rimanakunka.
MG/cz/jc-kichwa
